Alumni

Kontakpersoon : Arinda Aggenbach
Tel. (021)948-8781
Faks. (021)948-2996
e-pos. alumni@dfmalan.com

Gaan na ons 'facebook'-blad :
https://www.facebook.com/dfmalanalumni/?ref=br_rs

Reünies 2018

18 Augustus 2018 - 1988 - Trein/Saal - Kontak Jackie van Zyl - 0845230725 - Vanzyl.jackie@gmail.com

31 Augustus 2018 - 2008 - Trein/Saal - Kontak Mia van Heerden - 0722660337 - miavanh@yahoo.com

22 September 2018 - 1983 - Buite - Kontak Rena van Wyk - 0825681866 / 0824592763 - renavw@mweb.co.za

6 Oktober 2018 - 1958 - Buite - Kontak Pieter Combrinck - 0836208540 / (012)906-5621

12,13 Oktober 2018 - 1978 - Arugula Meerendal - Kontak Roelien Ackermann - roelien.ackermann@gmail.com

27 Oktober 2018 - 1998 - Trein - Kontak Shani Moore - 0769603681 - moore.shani@gmail.com

10 November 2018 - 1968 - Trein - Kontak Fanie Swanepoel - 0827158676 / (021)976-7734 - swanee@mweb.co.za

Klas van 1988 - 30 Jaar Reünie

18 Augustus 2018 - Sien aanhegsel onder aan hierdie blad.

Klas van 1978 - 40 Jaar Reünie

13 Oktober 2018 - Sien aanhegsel onder aan hierdie blad.

DF SE OUDLEERDERS IS AKADEMIES TOPS!

By DF is akademie ons besigheid en dit is ‘n riem onder die hart dat soveel van ons leerders ook verder met groot sukses gaan studeer.  Ons het onlangs ‘n skrywe ontvang van die Universiteit van Stellenbosch om die skool geluk te wens met die kwalifikasies wat oudleerders verkry het by die gradeplegtighede in Desember 2017 en Maart 2018.

 In totaal het ‘n allemintige getal van 135 oor die verhoog gestap!

Die getal sluit in:

12 Honneursgrade

18 Meestersgrade

5 Doktorsgrade.

Dit is dus geen wonder dat Stellenbosch ons bedank vir die kwaliteit van die studente wat DF lewer nie.

‘n Verdere indrukwekkende getal is die 66 Matrieks van 2017 wat vanjaar by die universiteit geregistreer het.  Wat hierdie getalle des te meer merkwaardig maak, is dat dit net die statistieke is van één van die universiteite.

Knap gedaan, alumni, ons is ontsettend trots op julle!

KYK NET HOE KRY DIE KUIKENS VAN 2004 VLERKE!

 Mia Cerfonteyn, SA mariene bioloog en lid van die Klas van 2004 is gekies vir ‘n internasionale leierskapkursus vir vroue in Antarktika. Lees gerus die wonderlike artikel wat oor haar verskyn het in die Sarie van Julie 2018. Mia het haar BSc-graad en later Honneurs in Dierkunde met lof by Maties verwerf. Daarna volg ‘n meestersgraad by Ikeys in Forensiese Wetenskap en tans is sy besig met haar doktorsgraad by die Universiteit van Ysland. Sy doen navorsing om te bepaal hoe klimaatsverandering die beskikbaarheid van kos in die see rondom Ysland beïnvloed. Mia sê die volgende oor die rol van vroue in die toekoms van ons planeet: “Vroue besef ons kinders moet nog oud word op dié planeet.” Nog ‘n oudleerder wat waarlik ‘n wêreldse verskil maak! Op die foto is Mia op Marion-eiland waar sy navorsing gedoen het oor die gryskop-albatros.

KYK NET HOE KRY DIE KUIKENS VAN 2014 VLERKE!

Owen Crafford hou DF se naam in die kollig (of op die radio!)

In April 2018, by die “Liberty Radio Awards” te Sandton (as’t ware die Oscar-geleentheid van die radiowese), word die toekenning vir die Beste Kampus Ontbytprogram in Suid-Afrika gemaak aan Owen Crafford, klas van 2014.  Hartlik geluk, Owen, ons is trots op jou.  So spits julle ore in die vervolg as julle soggens in die verkeer vassit en die radio jou enigste uitkoms is. DF (in die vorm van Owen) ry dalk net die kruin van die radiogolwe!

Klas van 1988 - 30 Jaar Reünie

18 Augustus 2018 - Sien aanhegsel onder aan hierdie blad.

1967-Matriekklas

Die 1967-matriekklas het onlangs weer, na 50 jaar, lekker saam by die skool gekuier.  Daar is heerlik gesels, gekuier, gelag, geëet en ou herinneringe gedeel.

Foto: Jean du Plessis

Voor v.l.n.r.: André Smith, Marian Rugge, Suzanne Cornelissen, Gerda Pretorius, Niel Marais, Hetta White, Stercia Ungerer, Elize Dippenaar, Jean du Plessis

Middel v.l.n.r.: Ria Coetzee, Betsie van Zyl, Sarel van der Merwe, Anita Barkhuizen, Annemarie van Heerden, Marianne van der Merwe, Anita Möller, Albie Laker, Tineke Venema, Mareo Bekker

Agter v.l.n.r.: Eben Human, Coenie Kotze, Etienne Louw, Bernie Koch, Andries Barnard, Bernhard Olivier, Louis Fourie, André de Haan, Vincent Erasmus

Louis Fourie, Ria Coetzee, Anita Barkhuizen, Jean du Plessis, Coenie Kotze, Sarel van der Merwe, Bernie Koch

André Smith, Marianne van der Merwe, Mareo Bekker, Suzanne Cornelissen

Bernhard Olivier en Anita Barkhuizen hard aan die oefen in DF se eie Hoëprestasiesentrum

Hetta White, Ria Coetzee, Stercia Ungerer, Gerda Pretorius

 

Pierre van der Spuy

Die Hoërskool DF Malan is baie trots op een van sy oudleerders, Pierre van der Spuy (matriek 2004) wat pas aangewys is as Suid-Afrika se Jong Siviele Ingenieur van die Jaar.   Baie geluk, Pierre!

Pierre praktiseer as struktuur-ingenieur, (hoofsaaklik brugbou, windturbine-fondasies en hawestrukture).  Hy werk tans aan sy PhD (US) en doseer Gevorderde Ontwerp vir die finalejaars.

Die volgende reünies vind plaas in 2017:

27 Mei 2017 – 1958 tot 1962-groep

26 Augustus 2017 – 1997-groep

23 September 2017 - 1987-groep

14 Oktober 2017 – 2007-groep

25 November 2017 - 1967-groep

Vir meer inligting, skakel Francine Punt by (021)948-8781 of stuur ‘n e-pos na alumni@dfmalan.com

 

Merietebord

Die Hoërskool DF Malan het oor die 61 jaar van sy bestaan ‘n trotse tradisie van akademiese uitnemendheid opgebou.  ‘n Bewys hiervan is die talle matrikulante wat jaarliks onder die toppresteerders van die provinsie gereken word en wie se name op die provinsiale merietelys verskyn.  Tans is daar 69 van hulle, wat oor die uithoeke van die wêreld versprei is, en dit was opwindend om weer van hulle te hoor.

Kobus Bekker, een van DF se trotse ouers,  het gevoel dat dié presteerders  meer sigbare erkenning moes kry en het borde geborg wat in die skool se voorportaal aangebring  is.

Dit is opmerklik hoeveel aandag dié borde geniet en hoe die huidige leerders aangespoor word om ook hulle beste te lewer.

Baie dankie, Kobus!

   

Carla Werth : 2017

Carla is vir die 2de jaar gekies om die Southern Stings netbalspan by die High Performance Brutal Fruit

Kampioenskappe te verteenwoordig. Elfrede Luyt is weer die hulpafrigter van die span.

George Wolfaardt

George Wolfaardt, oudleerder van DF, het ‘n belangrike rol gespeel om die man wat die ongeluk net-net oorleef het, se lewe te red. Ons oudleerders weet wat om te doen!

   

Leigh Wakeford
Leigh Wakeford is vir die tweede keer benoem vir ‘n toekenning (Ovation Award) as beste akteur in die musiekblyspel “The Professionals”. Hy was in 2002 in Matriek in DF.

U, as oudleerder, kan betrokke raak by DF Malan. U kan individuele leerders borg op akademiese-, sport- en kultuurgebied. Kyk gerus onderaan die blad.

Oud-Dee-Effer aangestel as Viserektor

Prof. Arnold Schoonwinkel is aangestel as die nuwe Viserektor (Leer en Onderrig) aan die Universiteit van Stellenbosch. Prof. Schoonwinkel was tot voor sy aanstelling Dekaan van die Fakulteit Ingenieurswese aan die US. Nadat hy in 1972 aan die Hoërskool DF Malan gematrikuleer het, het hy Elektroniese Ingenieurswese aan die US gestudeer, waarna hy sy PhD in Lugvaart- en Ruimtelugvaart-ingenieurswese aan die Stanford Universiteit in Amerika verwerf het. Hy het ook ’n MBA-graad. Tans werk prof Schoonwinkel aan ’n tweede PhD-graad in Bestuursekonomie aan die Katolieke Universiteit in Leuven, België.

Albert Maritz hou die DF-naam hoog

Albert Maritz, ‘n oud-Dee-Effer, het vanjaar twee produksies vir teater, “Die Van Aardes van Grootoor” deur Pieter-Dirk Uys, asook “Mooi Maria” deur Pieter Fourie met groot sukses by die Innibosfees in Nelspruit op die planke gebring. Albert was ook onlangs te sien in die KykNET televisiereeks, “Vloeksteen”.

Ander toekennings wat hy ontvang het, is:
- die gesogte Artes-toekenning vir sy spel as Herman Roodt in die TV-reeks “TORINGS”;
- die ATKV Veertjie-toekenning vir sy werk as mede-vervaardiger/ regisseur van “Impresario” oor die legendes in die Suid-Afrikaanse radio-, film- en teaterbedryf;
- AA-Vita nominasie vir "Stille Nag";
- Fleur Du Cap toekenning vir "Die Rebellie van Lafras Verwey";
- Beste Akteur-nominasie vir spel in ‘n reeks “Africa PI”.

Dee-Effer wen realiteitsprogram

Na 13 weke in die kollig, is oudleerder Christian Boonzaier as wenner van ‘n realiteitsprogram op kykNET aangewys. Hierdie wenner van Huisgenoot se realiteitsprogram Saktyd het daardeur ook ‘n betrekking as junior verslaggewer by Huisgenoot losgeslaan. Die aankondiging is tydens ‘n vertoning van Skouspel by Sun City gemaak en is op kykNET uitgesaai.

Christian het ‘n honneursgraad in joernalistiek aan die Universiteit Stellenbosch verwerf.

Reunies :

Matriek - 1973

Matriek - 1962

Matriek - 1961


Matriek 1960

DF MALAN OLD BOYS