Hoërskool DF Malan Nuus

DF se Juanita Gerstner het op 14 April aan die WP Meesters Kampioenskappe by die Tygerberg/Parow Atletiekbaan deelgeneem. Sy het in gewigstoot en diskus in haar ouderdomskategorie gekompeteer. Sy het in albei items die rekord verbeter: gewigstoot 11,41m (ou rekord was 10,68m) en diskus 36,72m (ou rekord 31,10m). Juanita het dus gekwalifiseer om by die SA's tussen 26-28 April in Bloemfontein deel te neem. Baie geluk, Juffrou Juanita. Ons is baie trots op jou!

Gepubliseer: 2018/04/19 - 10:37

Op Donderdag 15 Maart het 144 spelers ‘n winderige dag getrotseer en aan die skool se gholfdag te Bellville Gholfklub deelgeneem. Nie net het elke speler ‘n geskenksakkie ontvang nie, maar is ook bederf met pizzas en boereworsrolle op die baan wat deur Café Chameleon en PnP Willowbridge geborg is.  Die manne kon ook die dag se stof afwas met ‘n heerlike Stellenbrau craftbier op die 19de putjie.

Gepubliseer: 2018/03/20 - 14:46

Die 16-jarige Marga van der Linde was in 2017 een van die top 100m hekkiesatlete in Suid Afrika, al was sy 2 jaar te jonk vir die o.18-ouderdomsgroep.  Laat in 2017 het sy haar afrigter gevra om haar voor te berei vir ‘n heeltemal nuwe item: Sewekamp. Sewekamp is ‘n Olimpiese en Kampioenskapsitem waar vroue-atlete binne 2 dae aan 7 items moet deelneem en punte verdien vir hul prestasies. Die atleet met die hoogste punte na die 7 items, is die wenner.

Gepubliseer: 2018/03/20 - 09:20

DF Malan het weer eens uitsonderlik presteer in die jaarlikse Sistemiese toetse, wat deur die WKOD afgeneem word. Die toetse word by die graad 9`s in die taal van onderrig en leer en Wiskunde afgeneem.

By die prysuitdeling van Metro-Noord op 6 Maart het DF vyf sertifikate ontvang. DF Malan het die beste gemiddeld en slaagsyfer in Afrikaans gehad en het ook die hoogste gemiddeld in Wiskunde gehad. Dit was dan ook nie onverwags dat DF Malan die sertifikaat ontvang het vir die beste prestasie in die kombinasie van die twee vakke nie.

Baie geluk aan ons leerkragte en leerders vir hul besonderse prestasie.

Gepubliseer: 2018/03/13 - 13:04

Die Hoërskool DF Malan is trots om ons premierspan dogters voor te stel. Die span, hul afrigters en borge is op 6 Maart aan die skool voorgestel. Ons wens vir hulle sterkte toe vir die seisoen, asook vir die St Mary's toernooi. Dankie aan Pick 'n Pay Willowbridge sowel as Land Rover/Jaguar N1 Stad vir jul volgehoue ondersteuning van DF-hokkie. Die span is soos volg:
Voor (v.l.n.r): Margot de Beer, Megan Louw, Liande Conradie, Carla Hollander, Nicola van der Merwe, Merissa Wiid, Mychaela Eksteen
Agter (v.l.n.r): me. Rona Roelofse (DF Dogtershokkie-afrigter en organiseerder), mnr. Riaan Launspach (Land Rover/Jaguar N1 Stad), Jani Geldenhuys, Carla Laubscher, Carissa Cronjé, Rochelle Combrink, Anuska Enslin, Christelle Leeuw, Claudia van Wyk, Mila de Jongh, me. Simoné Strydom (Hoofafrigter en oud-leerder), mnr. Angelo Melonas (Pick 'n Pay Willowbridge)
Afwesig: Mila Trevor

Gepubliseer: 2018/03/07 - 14:30

Ila Alberts en Heinrich Crous is tot die Junior Stadsraad verkies. Dit is 'n verteenwoordigende liggaam van hoërskoolleerders wat Stad Kaapstad se Stadsraad se werk naboots. Daar word maandeliks in die Burgersentrum in Kaapstad vergader en leerders word ook in wyke verdeel. Die doel hiervan is om die jeug te mobiliseer om verandering in hulle gemeenskappe d.m.v. projekte wat hulle self loods, teweeg te bring. Die termyn duur vir twee jaar en daar sal ook 'n Uitvoerende Komitee binne die volgende twee weke verkies word.

Gepubliseer: 2018/03/05 - 12:32

Kom kuier saam!

Gepubliseer: 2018/03/02 - 13:18

Drie van DF se kranige skaakspelers het WP-skaak by die Suid-Afrikaanse Junior Skaakkampioenskap in Januarie verteenwoordig.

Ané Pienaar (middel) was lid van die o.16-dogterspan wat ‘n tweede plek behaal het in hulle kategorie. Sy het derde gekom in die dogters o.16-afdeling van die SA Junior Wildcard-kampioenskap.

Julian Milner (regs) was lid van die o.16 C-span wat ’n eerste plek behaal het in hulle kategorie. Julian wen ook die bordprys.

Karl Voigt (links) was lid van die o.16 B-span wat ‘n eerste plek behaal het in hul kate-gorie. Karl eindig ook 32ste in die SA Junior-Wildcard kampioenskap, o.16- ope-afdeling en wen ook die bordprys.

 

Gepubliseer: 2018/03/01 - 12:20

Luca van Heerden (regs) en Enzo Clark (links) graad 9-leerders is gekies vir die Protea kushengel-span (o.16) om deel te neem aan die einde van die jaar in Namibië. Luca is as die top o.16-hengelaar aangewys, tydens die Nasionale toernooi wat in Januarie in die Weskus gehou is. Enzo het 4de geëindig. Dit is uitsonderlike prestasie. Baie geluk!

Gepubliseer: 2018/02/16 - 09:35

Hierdie jaar het DF Malan besonder baie op hul MTBS-vertoning in vergelyking met 2017 verbeter. Hulle het met'n span van 138 die jaar die MTBS aangevat en meer as 50% van die span het gekwalifiseer om by die Noordsone Kampioenskappe deel te neem.

Die volgende atlete het puik prestasies bereik:
Claudia van der Westhuizen het 40.88m gegooi in die dogters o.17-afdeling en het die BESTE MEISIE prestasie toekenning ontvang en die Beste ALGEHELE PRESTASIE toekenning ontvang. Eugene Marx het die seuns O.15-Gewigstoot-rekord verbeter met meer as 'n meter. Die ou rekord was 15.58m, die nuwe rekord is 16.66m. Hierdie uitstekende prestasie het hom die beste seuns prestasie laat ontvang.

Monja Theart het ook die meisies o.15-100m rekord verbeter van 12.80 sekondes na 12.75 sekondes.

Die volgende ouderdoms groepe het hul ouderdoms bekers gewen:

Meisies o.14
Meisies o.19

 

Gepubliseer: 2018/02/15 - 11:46

Pages