Bloemfontein Opstelkompetisie

Die Bloemfonteinse Opstelkompetisie is jaarliks ‘n groot uitdaging vir DF. Daar is ‘n kroon wat al jare DF s’n is, wat telkemale beleër word deur ander skole van regoor die land. In 2018 is alle pogings die nek ingeslaan en DF se leerders het vir almal gewys waar Dawid die wortels gegrawe het. Ons het met die louere weggestap. Luceel Beukes is aangewys as senior en algehele wenner, terwyl Leroux van der Merwe ‘n tweede plek behaal het. Anja van Heerden is in die vierde plek. In die junior afdeling het DF skoonskip gemaak: in die eerste plek was Ninah Müller; tweede was Suné van der Walt; derde was Solomon van der Westhuizen en in die vierde plek, Alexander Smith. Baie geluk aan dié skrywers. Julle is vir DF ‘n veertjie in die hoed!

 

Gepubliseer: 2018/07/25 - 11:43