Beste Graadelfs eduhelp@df

Julle is nou in die middel van julle seniorfase en hierdie jaar is ‘n balan grike jaar ter voorbereiding van jou aansoeke by tersiêre instellings.  Jou akademiese prestasies van vanjaar gaan jy gebruik om volgende jaar aansoek te doen om verder te kan studeer.

Volgende jaar gaan julle ‘n saamgestelde rapport kry.  Dit bevat  jou beste Gr.11-Junie/Desember punte.  Werk vanjaar van die begin af voluit om te verseker dat jy  deurlopend goeie punte kry en moenie uitstel vir die eindeksamen nie, want dan is die druk te groot en as jy dan ‘n deursta m p kry, is dit onherstelbaar.

Let veral op na studie- en beroepsinligting op die aansteekborde van die skool.  Die borde wat veral van belang is, is by Eduhelp@df en die uitvoerende kunste.  Daar sal ook via die interkom waardevolle in ligting gegee word.

As Arbeidsterapie jou toekomstige beroepskeuse is, is daar opedae wat jy by Tygerberg Hospitaal of Stikland Hospitaal kan bywoon.  Die datums is 1 April, 10 Junie, 8 Julie, 30 September en 28 Oktober van 14:00 tot ongeveer 15:30.  Kom skryf jou naam op by Eduhelp@df.

Vanjaar is die jaar waarin jy baie inligting oor die beroepe waarin jy belangstel en oor jouself moet inwin sodat jy ‘n realistiese loopbaankeuse kan maak.  Moenie hierdie proses as vanselfsprekend aanvaar nie.  Doen moeite en maak seker van jou feite.  Verskillende mense het verskillende opinies.  Jy moenie jou besluit op halwe waarhede en ander mense se verwagtinge baseer nie.  Onthou universiteitstudies is nie noodwendig vir almal die regte keuse nie.   Maak gebruik van die hulpbronne tot jou beskikking.  Let op na die dienste wat by die onderstaande datums genoem word en maak daarvan gebruik.

Kom gesels gerus met ons oor jou toekomsplanne.

Me. Lyzette Schwella  & Me. Hanlie Gouws

Die volgende datums is van belang: