Kultuur

Logan Toneelfees

Ons eie Emma Olivier in graad 8 vertel van haar draaiboek wat by die Logan Toneelfees deur Laerskool Welgemoed opgevoer word:

Die Logan Toneelfees in Fraserburg is die oudste en grootste skole-toneelfees in Suid-Afrika. Die fees is meer as 40 jaar oud en vind hierdie jaar gedurende 31 Julie tot 4 Augustus plaas. 37 Laer- en Hoërskole se dramagroepe neem hierdie jaar deel en daar is pryse vir die beste opvoering, teks, kostumering, tegnies, regie, en nog ander. Ek het Laerskool Welgemoed se draaiboek geskryf. Dit is "The Magic Lamp" en is op Aladdin gebaseer. Die fees is 'n baie goeie geleentheid vir skole om hul produksies op toer te neem.

Ballet - Julie 2018

Die DF dansers van die Northern Dance Academy (NDA) het baie hard geoefen so tussen die studies hierdie kwartaal en uitstekend presteer by die Celebration of Dance Eisteddfod (COD) wat by die Bellville Burgersentrum gehou is.

Anouk van Alphen en Larah Loubser (Gr 9) en Miné Acker (Gr 8) het deurgedring tot die finaal in die kategorie “Ballet Character” met hul groepdans “Bollywood”, asook vir “Ballet Musical” met “Ritz” waarvoor hulle silwer medaljes gewen het.

Kerskonsert 2017

Die konsert is deur vrolike sang en ‘n feestelikheid gekenmerk. Die koor en orkes het vir uitstaande musiek en sang gesorg. ‘n Gesellige atmosfeer is verder deur die heerlike versnaperinge geskep. Dit het gevoel asof Kersfees werklik net om die draai is en die aand was alles behalwe ‘n stille nag!

Die nag is met instrumente in harmonie, 'n treffende boodskap en Kersfees liedjies, wat deur jonk en oud gesing is, gevul. Daar was 'n kombers of twee nodig, maar dit was gesellig en die moeite werd. Boston Coffee het ook gehelp om die hande warm te hou. Die orkes wat in hulle Kersfees klere gepronk het en die orkes in spierwit, het die gehoor vermaak met die bekendste Kersfees liedjies en deuntjies. Dit was voorwaar ‘n onvergeetlike en suksesvolle aand!

  

Uitvoerende Kunste 2017

Die volgende leerders is vir die WP-span gekies en het die vakansie in Johannesburg gaan deelneem:

Lisa Bassett (drama), Mischa Bornman (drama), Kyle Cremen (drama), Salome Duminy (dans), Anne Haller (dans), Veronique Fölscher (drama), Elreza Jantjies (drama), Suné Jansen van Rensburg (drama), Eugenie Muller (dans), Jean-Luc Smit (drama), Ilene Steenkamp (dans), Kaylin Stevens (drama), Lisa van Niekerk (dans), Jasché van Zyl (dans) en Lara Visagie (sang).

Baie geluk aan Lisa Bassett wat twee silwer medaljes vir drama (classical) en drama (dramatical) verwerf het. Kyle Cremen het 1 brons en 1 silwer medalje vir drama verwerf.

Salome Duminy het ‘n goue medalje vir dans (lyrical) en silwer medalje vir dans (open) verwerf. Lara Visagie het ‘n brons, asook 3 silwer medaljes vir sang verwerf. Met hul puik prestasies is hierdie twee dames ook as lede van die SA-span verkies.

Baie geluk aan elkeen met hierdie puik prestasies!

Salome Duminy

Lara Visagie

Lisa Bassett

Kyle Cremen

Dans: Salome Duminy, Lisa van Niekerk, Jasché van Zyl en Anne Haller

Drama:  Agter: Veronique Fölscher, Mischa Bornman en Kaylin Stevens

Voor: Suné Jansen van Rensburg,Lisa Bassett, Elreza Jantjies.

Eugenie Muller

Jean-Luc Smit

Ilene Steenkamp