Interne debatte
Leerders kry die geleentheid om Maandagaande van 19:00 - 20:00 in
spanverband teen mekaar te kompeteer. Hierdie debatte vind onvoorbereid
plaas en is informeel van aard. Afrigting word ook tydens hierdie sessies
gedoen. Die beste sprekers kry in Augustus die geleentheid om aan die
Interskole-forumdebatkompetisie deel te neem. Die debatte vind in die
trein plaas.

Eksterne kompetisies
Leerders word afgerig om aan onder andere die ATKV-debatkompetisie,
ATKV-redenaarskompetisie en Rotary-debatskompetisie deel te neem.

Hoërskool DF Malan se Jip-Dink-of-Sink-kompetisie
Sedert 2001 is hierdie DF-breinkind een van die groot hoogtepunte op die
kultuurkalender. Twintig skole word genooi om hieraan deel te neem en die
klimaks van die kompetisie is 'n glansgeleentheid in die skoolsaal waarvan
bekendes soos Nina Swart, Diaan Lawrenson, Nico Panagio, Valiant Swart en
Cindy Nell deel vorm. Die borge is Die Burger, Jip, Checkers, Standard
Bank, die Universiteit van Stellenbosch, Nissan Suid-Afrika en Schus
Nissan Parow.

Koste
Deelname aan debat is gratis. Leerders moet egter betaal om aan eksterne
kompetisies deel te neem.