|
Mev. Joh Dorfling is op 15 April 2008 amtelik as skoolhoof van DF Malan tydens ‘n funksie te Eensgezind ingehuldig.
Luister is aan die aand verleen deur die teenwoordigheid van mnre. Brian Schreuder, Barry Volschenk en Hennie Patience. Mnr. Rian Truter het by die oorhandiging van die Bybel aan mev. Dorfling weer die begronding van die bestaan van die skool beklemtoon. Alles in die skool put uit een enkele bron: God.
In sy toespraak het mnr. Volschenk verwys na die belangrike rol wat die skoolhoof in die totale beeld van ‘n skool speel. Mnr. Wilhelm Meyer (voorsitter van die Beheerliggaam) het weer verwys na die voorregte wat skole in Suid-Afrika het in vergelyking met skole in buurlande.
Mev. Dorfling het in haar toespraak verwys na die diep spore wat die ses voorafgaande hoofde getrap het. Haar visie vir DF Malan fokus veral op die strewe om te gaan van sukses tot uitnemendheid; ‘n rol wat DF Malan as spoormaker perfek kan vervul. DF sal ingestel wees op transformasie en ontwikkeling. Transformasie behels ‘n revolusie van denke.
“Die mate waarin ons oop is vir nuwe denkwyses, bepaal DF Malan se potensiaal om te kan voortbestaan as ‘n oop en dinamiese instelling. Verandering ter wille van verandering lei tot ‘n doodloopstraat. Transformasie en ontwikkeling gaan hand-aan-hand; daarom behoort ons einddoel altyd te wees om elke dag ‘n tree vorentoe te gee,” adus me. Dorfling.
Sy het verder daarop gewys dat DF ‘n skool moet bly waar waardes vooropgestel word. Veral respek.
DF moet ook ‘n baken van hoop bly. DF se onderwysers sal daarna streef om draers van hoop te wees en kenmerkend van die skool moet ‘n gees van optimisme wees.
DF Malan sal steeds reik na die sterre.
Arne Janse van Rensburg , Neil de Villiers en Jacques de Villers is in die senior WP span opgeneem wat gedurende die vakansie aan die senior nasionale gala in Durban deelgeneem het. Hierdie gala het ook gedien as proewe vir die Olimpiese Spele en al die Suid-Afrikaanse swemmers wat oorsee oefen was ook daar.
Jacques het 'n tiende plek in die 50m borsslag behaal en Neil 'n 15de plek in die 400m individuele wisselslag.
Neil , Arne en Jacques.
Tydens die glansryke aand van 6 Maart is Gerrit Matthee en Kumi Du Plessis as Mnr. en Mej DF-2008 gekroon. Riaan Ehlers en Michelle Jooste het onderskeidlik met die Mnr. en Mej. Persoonlikheidstitels weggestap.
Die aand se verrigtinge (gereël deur me. Marlene Coetzee en me. Gerda Marais) het seepglad verloop en die gehoor behoorlik betower. Nadat die deelnemers hulself aan die gehoor voorgestel het, het hulle klere van “Laundry” met selfvertroue gemodelleer. Dit is gevolg deur ‘n selfuitgewerkte dans uit ‘n musiekblyspel wat elke paartjie dan moes uitbeeld. Die gehoor het onder andere kreatiewe benaderings en uitbeeldings van Grease , Chicago en Phantom of the Opera te siene gekry.
Die ware skouspel was egter die aanddrag. Die meisies se aandrokke is spesiaal ontwerp om by hul persoonlikhede te pas. Na maande se voorbereiding, veeleisende onderhoude, fyn uitgewerkte besigheidsplanne, klerepassings en oefensessies wat soms langer as vier ure geduur het, is die wenners van die aand aangekondig.
Kumi het vertel: “Ek kan dit regtig nie beskryf nie. Ek was geskok, in ekstase en oorweldig!” Gerrit het weer gedeel dat hy dit regtig nie verwag het nie, maar dat dit juis vir hom daarom soveel lekkerder is om Mnr. DF te wees.
 
Die jaarlikse somberbal het op 7 Maart in die DF-skoolsaal plaasgevind en was ‘n reuse sukses. Hierdie geleentheid is deur die Graad-10 en -11 Raad van Leerders gereël en hulle moes lang ure spook om die aand se sukses te verseker. Die meeste Dee-Effers het gedeel dat hulle die aand baie geniet het.
Die saal en voorportaal se dékor is werklik professioneel aangepak. Die wit draperings het definitief ‘n kenmerk van die somerbal geword en een van die matrieks, Ria Augustyn, het gesê: “Die saal het regtig baie mooi gelyk en ek het die aand met my vriende baie geniet.”
Constant Wahl (gr.12) meen weer dat die sekuriteit regtig goed was. “Die hele geleentheid is so goed beplan, dis definitief ‘n verbetering op laas jaar. Die fotohokkie het ook fantasties gelyk!”
Tyron Ferriera (0-19) en Pieter Nel (0-15) is altwee in streekspanne opgeneem , wat sondag 9 9 Maart gaan speel. Ons wens hulle alle sterkte toe.Tyron is ook uitgenooi om te boul by die proteas se nette. Hy het geboul vir onder andere Albi en Mornè Morkel , Mkaya Ntini en Mark Boucher.
MTBS :Vrydag 8 Februarie 2008
Die jaarlikse MTBS byeenkoms by Bellville Atletiekstadion was ‘n groot sukses. Ons kon nie vir ‘n beter dag vra nie. Dit het nie gereën nie , maar die son het ons amper verskroei. Uitstekende atletiek is gelewer deur al vier die skole.
DF Malan het soos in die verlede wéér die atletiek verower maar kon dit nie reg kry om dit ‘n 7de dubbelle goud te maak nie. Hoërskool Bellville het met die sang & pawiljoen trofee weg gestap.
Danksy die pawiljoen kon ons atlete presteer met die ondersteuning van hulle.
Die beste prestasies:
Dogters : Anneline Gerstner (Do/14:GS:9,87m;DG:30,24m) CarlaAckerman (Do/14:100m: 13,22s; 200m: 26,93s; 400m:61,70s) Lizelle Hougaard (Do/14:
300m H: 48,81s) Gabriella Swanepoel (Do/14:SG: 26,17m)Jolandri Alberts (Do/15:SG: 25,30m) Tanya van den Berg (Do/15:90m H: 13,87s - Rekord !) Ané Fourie (Do/15:100m: 13,03s, 300m H:46,67s, 200m: 26,32s) Carla Jonker (Do/15:800m: 2:27,33s,1500m: 5:18,12s) Lorriaan Kruger (Do/17:DG: 29,50m, GS: 9,86m)
Petra Jonker (Do/17:100mH: 17,04s) Anel Brand (Do/17:HS: 1,49m)
Elzette Louw (Do/17:100m: 15,58s - Rekord !, 200m:25,03s - Rekord !)
Marlise Jordaan (Do/17:800m: 2:14,37s, 1500m: 4:43,06s - Rekord !)
Jeanette Koch (Do/19: SG:26,63m)
Seuns : Kershoff Gouws (So/14: HS; 1,68m) Angus Lombaard (So/14:
100mH: 15,02s, 100m: 12,20s, VS:5,63m) Keaton Timmy (So/14: 200m: 25,23s) Lindsay Petersen (So/14: 400m: 58,72s) Arnold Peters (So/14: 300mH: 45,44s) Ruan Bierman (So/15: SG: 49,80m) Dewald Jordaan (So/15: DG: 50,15m Rekord !) Mikail Kriel (So/17: SG 52,16m) Ricardo Cornelis (So/17: 100m: 11,36s, 200m: 23,22s) Jacques Roux (So/17: GS: 14,82m) Riaan Coetzee (So/19: DS:12,57m) Jarrod Fransman (So/19: HS: 2,00m) Zach de Wet (So/19: DG: 39,50m, GS: 12,83m) Ulrich Damon (So/19: SG: 59,04m) Damianne Cornelissen (So/19: VS: 6,29m)
Aflosse : Die o/14 A seuns ( Rekord ), o/14 A dogters, o/15 A dogters, o/17 A dogters en o/19 A seuns het hulle aflosse gewen.
Spantrofeë: Seuns o/14 & o/19. Dogters o/14, o/15 & o/17.
Junior Seuns, Junior Meisies en Senior Meisies trofeë
Aflostrofee
Beste in 3 nommers: Elzette Louw (100m, 200m, 400m)
Beste algehele prestasie: Elzette Louw (200m)
|
Nuus en Gebeure 
