• Huistaal vlak ten minste vlak 4 (50%)

• Eerste Addisionele Taal ten minste vlak 3 (40%)

• Wiskunde ten minste vlak 3 (40%)

• Enige drie ander vakke ten minste vlak 3

• Enige twee ander vakke ten minste vlak 2

Bied 7 vakke aan wat insluit:

• Een taal op Huistaalvlak

• Een taal op Eerste Addisionele Taalvlak

• Wiskunde of Wiskundige Geletterdheid

• Lewensoriëntering

• DRIE Keusevakke

Vakkombinasies en Skoolgebaseerde Assesserings (SGA)
Om te kwalifiseer vir ‘n Nasionale Senior Sertifikaat moet alle leerders SEWE goedgekeurde vakke (twee tale, Wiskunde of Wiskundige Geletterdheid, Lewensoriëntering en 3 keusevakke) neem en bewys kan lewer van Skoolgebaseerde Assesserings (SGA) in elk van die sewe vakke. Lewensoriëntering, wat ‘n verpligte vak is, is die enigste vak wat gedurende die jaar intern geassesseer word en het nie ‘n formele eksamen aan die einde van die jaar nie. Assessering in elk van die ses vakke, behalwe Lewensoriëntering, verteenwoordig 25% van die finale eksamenpunt.

Wanneer ‘n kandidaat nie voldoen aan die vereistes vir Skool Gebaseerde Evaluering nie, sal die uitslae in die betrokke vak/vakke, nie gegee word nie. Die kandidaat sal egter die geleentheid gegun word om tot 15 Maart van die volgende jaar hul voltooide portefeuljes deur te stuur. Die raklewe van die SGE is drie jaar.

Voldoen verder ook aan onderstaande vereistes

• Slaag EEN taal op Huistaalvlak (kode 3) (40 – 49%)

• Slaag enige TWEE verdere vakke (kode 3) (40 – 49%)

• Slaag enige DRIE verdere vakke (kode 2) (30 – 39%)

• In SEWENDE vak; bewyse van deurlopende assessering

Sewe vlakke van bevoegdheid:
1 – 0 –29% – Ontoereikend
2 – 30–39% – Gedeeltelik bereik
3 – 40–49% – Toereikend
4 – 50–59% – Bevredigend
5 – 60–69% – Meriete
6 – 70–79% – Baie goed
7 – 80–100%- Uitmuntend

Minimum vereistes vir toelating tot ‘n diploma-kursus is

• ‘n NSS verwerf +

• ‘n Taal van onderrig en leer (instansie) kode – 2 (30-39%)+ (Lewensoriëntering kan nie een van die 4 vakke wees nie)

Minimumvereistes vir toelating tot ‘n Baccalaureus-graad (Matrikulasievrystelling)

• ‘n NSS verwerf +

• ‘n Taal van onderrig en leer (instansie) kode – 2 (30 – 39%)

• Enige 4 Vakke kode – 4 (50 – 59%)+ (Lewensoriëntering is nie ingesluit nie)

NB!! Elke instansie het sy eie toelatingsvereistes waarvan jy jou net moet vergewis.

Prosedure vir die aanvraag van getuigskrifte:

• Laai die vorm hier af: Getuigskrifvorm

• Voltooi bladsy 1, 2 en 4.

• Lewer die voltooide vorms in by ‘n matriekvoog

• Aansoeke moet teen 20 Junie ingedien wees.

Laai die Junie 2024 eksamenrooster hier af.

• Graad 8- en 9-leerders woon vir die hele eksamen skool by van 07:45 tot 13:00. Geen leerder mag na 07:45 opdaag of die skool voor 13:00 verlaat nie. Uitsonderings hierop sal in ooreenstemming met die eksamenrooster gekommunikeer word.
• Graad 10- en 11-leerders wat slegs ‘n vraestel in die eerste sessie skryf, mag die skool verlaat nadat hulle geskryf het. Hierdie leerders moet asseblief ‘n toestemmingsbriefie in harde kopie saambring om die uittekenproses te vergemaklik. Indien leerders vervoerprobleme het, kan hulle aanmeld by die studielokaal (k.55) vir studietoesig tot 13:00. Leerders wat slegs ‘n vraestel in die tweede sessie skryf, moet teen 07:45 by die skool wees en in die eksamenlokaal sit en leer totdat die tweede sessie begin. Leerders mag dus nie opdaag deur die loop van die dag om ‘n vraestel in die tweede sessie te skryf nie.
• Indien ‘n leerder op ‘n spesifieke dag nie skryf nie, maar steeds skool toe moet kom, is daar ‘n studielokaal (k.55) waar hy/sy kan studeer.
• Indien daar 2 vraestelle op een dag geskryf word, sal daar ‘n pouse tussen die vraestelle wees.
• Maak asseblief seker dat u kind weet by watter lokaal om aan te meld wanneer hy/sy hul vraestelle skryf.
• Om onnodige spanning vir vermy, maak asseblief seker dat u kind betyds by die skool afgelaai word elke oggend.

Hier volg ‘n paar aanbevelings vir die eksamens:

• Maak seker dat u kind ‘n gedetailleerde studierooster uitgewerk het om hulle met hul tydsbeplanning te help.
• U kind moet verkieslik in ‘n wel-beligte vertrek sit en leer, waar daar genoeg vars lug is en nie geraas is wat hul aandag kan aftrek nie.
• Kinders moet by ‘n tafel sit waar hy/sy kan notas maak, eerder as om op ‘n bed te lê.
• U kind moet genoeg eet en drink, terwyl hulle studeer om hul energievlakke op te hou.
• Ontbyt is baie belangrik, veral op eksamendae, sodat u kind kan konsentreer vir die duur van die vraestel.
• Kontroleer of hulle hul werk ken.
• Maak seker dat hulle oor al die nodige skryfbehoeftes beskik wat hulle vir al hul vakke gaan benodig.
• Eksamens is stresvol vir alle leerders. Ondersteun u kind ten volle en help hulle om die nodige perspektief te behou sodat hulle nie oorweldig voel nie.
• Indien u kind enige notas of leermateriaal vermis, kontak asseblief die vakonderwyser om ‘n plan te maak om die situasie uit te sorteer. Onthou ook dat leermateriaal beskikbaar is op Google Classroom.
• Maak seker dat u kind na elke uur van studietyd ‘n pouse van ongeveer 10 minute neem. Dit sal hulle help om hul fokus te behou.

Volledige roosters sal beskikbaar gestel word aan ouers, leerders en ook op die webtuiste onder DF Dokumente.

Algemene beleid
Die toekenning van erekleure berus by die erekleurekomitee wat bestaan uit die skoolhoof, die adjunkhoofde en personeellede soos deur die skoolhoof
benoem. Die sameroeper van ‘n aktiwiteit moet sy/haar nominasies met motivering skriftelik by die komitee indien en kan ook sy/haar nominasies mondeling voor die komitee verduidelik, indien nodig. Erekleure word op ‘n deurlopende grondslag toegeken.

Erekleure word gedra in die vorm van ‘n effekleurige donkerblou baadjie met omboorsel en ‘n erewapen waarop Akademie, Diens, Kultuur, Leierskap of Sport geborduur is. Aan ‘n leerder wat reeds erekleure in ‘n aktiwiteit verwerf het en wat vir ‘n tweede maal kwalifiseer, word ‘n hertoekenning gedoen in die vorm van ‘n erekleuresertifikaat.

Erekleure kan verwerf word vanaf graad 8 tot graad 12. Dit mag egter net vanaf die begin van ‘n leerder se graad 10-jaar gedra word. ‘n Leerder kan in aanmerking kom vir erekleure (sport en kultuur) as hulle op provinsiale, nasionale en/of internasionale vlak sodanig presteer dat dit erekleure regverdig, al neem hulle nie aan ‘n soortgelyke aktiwiteit by die skool deel nie. Elke geval sal op eie meriete beoordeel word.

Vir meer detail, sien die Handves van Regte by DF Dokumente.